Zer espero dezaket nire lehen klasetik?

Irakasleak metodoaren oinarrietan sartuko zaitu eta zuretzat egokiena den ariketa mota adieraziko dizu, modu egokian aurrera egin dezazun. Ikaskuntzan zehar, ariketak behar bezala egiteko zehaztapenak jasoko dituzu, baita gorputz-lerrokadura egokia ere. Saioen helburuen arabera, irakasleak aparatuetan sartuko zaitu, metodoan egoki hasteko. Aurrera egiten duzun heinean eta indar eta malgutasun handiagoa lortzen duzun heinean, saioen erronka maila haundiagoa izango da, arnasa behar bezala hartzen ikasiko duzu eta aparatuak trebetasunez erabiltzen. Saioak 55 minutuko iraupenekoak dira.

Zer arropa eraman behar dut?

Saiorako arropa erosoa eta galtzerdiak behar dituzu. Botoirik, kremailerarik eta begiztarik gabeko solteegia ez den arropa janztea gomendatzen da, irakasleari gorputz-lerrokadura ikustea ahalbideratzen diona.

Noiz nabarituko dut aldaketa bat?

10 saiotan aldea sentituko duzu, 20 saiotan aldea ikusiko duzu eta 30 saiotan gorputza aldatuko zaizu. 1.asteko saioa lan ona da, aldiz, 2. astekoa bikaina da. Metodo honen alde estimulatzailea, ariketetan zure trebetasuna handitu ahala, trebetasun hori ez dela murrizten, txirrindan ibiltzen ikasten duzunean bezala irauten dela, da.

Min hartu dut. Pilates egin dezaket?

Profesional kualifikatu baten diagnostikoaren ondoren, medikua edo terapeuta izan, eta hark gomendatutako jarraibideei jarraituz, guk zure gorputza berriz ere sasoian jartzen lagun diezazukegu, jarrera heziz eta mugimendu-eredu okerrak aldatuz. Gorputza mugimenduan landuko dugu, lesioaren kausan zentratuz eta jarrera txarrak zuzenduz. Prebentzio-lan horrek etorkizunean lesio errepikariak saihestuko ditu.

Niretzat al da? Ondo al datorkit?

Gorputza hobetu nahi duten pertsona guztientzat da, egoera fisikoa edozein izanda ere modu egokian erabiltzen ikasi nahi dutenentzat. Eliteko atletentzat, dantzarientzat, kirolarientzat, musikarientzat, eskiatzaileentzat... lesioen prebentzio eta errendimenduaren hobekuntza gisa. Errehabilitazioa amaitu duten eta beren premiekin bat datorren jarduera bat behar duten pertsonentzat (terapeutak edo medikuak gainbegiratuta). Pilates metodoa, egin ahal duzun horretan eta egitea lortu dezakezun horretan oinarritzen da.